قال تامر أبو عرب – الصحفي بالمصري اليوم – تعليقًا على تفويض الحكومة لوزارة الداخلية بفض اعتصام رابعة العدوية بالقوة :"على فكرة التحرير بقاله أسابيع مقفول وفيه أشكال ما يعلم بيها إلا ربنا ومفيش أي حزب أو حركة أعلنوا الاعتصام فيه".
أضاف عرب في تدوينة له على الفيسبوك: "على فكرة التحرير بالليل بيكون مرعب أكتر من رابعة وأنا نفسي بخاف أعدي منه بعد المغرب وبلف لفة طويلة جدا من آخر القصر العيني كل يوم عشان معديش عليه".
وتابع :"الناس اللي في التحرير معاهم سلاح وده بان ساعة اشتباكهم مع الإخوان في مظاهرات السفارة الأمريكية .. هتقولي هم اللي بدأوا واللي في التحرير كانوا بيدافعوا عن نفسهم؟ هقولك ده مينفيش إنهم معاهم سلاح والإخوان برضه شايفين إن السلاح اللي معاهم في رابعة للدفاع عن نفسهم".
واختتم تديونته بالقول: "ميدان التحرير ده رمز الثورة وهو أولى بالحفاظ عليه من أي ميدان أو إشارة أخرى".