في الوقت الذي أصبح فيه التوكتوك الوسيلة التي يعتمد عليها الكثير من المواطنين في تحركاتهم، وكونه وسيلة مواصلات لطرق فرعية بالقرى والمراكز، فضلًا عن أنه يساهم في فتح الآلاف من بيوت المصرين، إلا أنه إلى الآن لا يجد سائقيه في بني سويف وسيلة غطاء شرعي لتنظيم عملهم في المحافظة .
ويقول سعيد حنفي، أحد سائقي التوكتوك، “مفيش ترخيصات لــ “التوك توك” في المحافظة نفسها، ومش عارفين ايه سبب تعسف الأمن فى عدم وجود تراخيص لينا، مع إن التوك توك هو الوسيلة الأسرع والوحيدة للأماكن الضيقة .”
وأضاف جمال شعبان، سائق توكتوك آخر ، “مفيش ترخيص لينا ولو نزلت المحافظة بالتوكتوك بيتاخد مننا، ومقدرش ارجعه تانى غير أما ادفع 10 الآف جنيه، ومش قدامنا حل إلا إننا ندفع الفلوس عشان نقدر نكمل شغلنا لإننا مش لاقيين حاجة أساسا” .
وتحدث كامل سلامة قائلا: “أنا خريج السنادي تجارة وقعدنا فى البيت زي الشباب كلهم، ومفيش شغل فجبت التوك توك اشتغل عليه الفترة دى، مش بعرف انزل بيه أساسا المحافظة عشان اشتغل، وأنا قاعد في البندر نفسه، طيب كده اسيبه واقعد في البيت ومشتغلش؟ ولا اشتغل على التوك توك ويتاخد مني بدون أي ذنب؟ طيب يوفرولنا حلول بقى”.
وأوضح سعيد جابر “مش عايزين غير إنهم يعملولنا ترخيص ويحمونا ويعملولنا طريق خاص بينا، عشان ناكل بالحلال، بدل ما نقعد في بيوتنا وخلاص” .
وختم أحد الشباب ويدعى سمير مرعي، “نقعد فى بيوتنا يقولوا علينا “عواطلية”، نشتغل ياخدوا مننا التوكتوك وندفع غرامة 10 آلاف، ونبقى مش عارفين ندفع فلوس القسط بتاع التوك توك نفسه، ولا ندفع للحكومة”.