قامت قوات شرطة المرافق اليوم الثلاثاء، بمداهمة سوق منطقة الحادية عشرة بمدينة السادات محافظة المنوفية، وقامت الحملة بتكسير ونهب كل محتويات السوق، بما فيها كافتيريا ومقهى لكبار البلطجية.
كما اعتدت قوات الأمن بالضرب والسب والتهديد بالقتل على كل من اعترض الحملة، وسط ذهول من الباعة الذين لم يستطيعوا الحفاظ على محتويات محالهم.
ورصدت عدسة شبكة “رصد” عملية المداهمات التي تمت، واستطلعت آراء الباعة التي تنوعت بين الدهشة واللوم؛ حيث قال أحمد محمد، أحد الباعة: “احنا فوجئنا بالحملة دخلت شالت كل شيء أمامها دون سبب مقنع، وكنت بقولهم طيب أنا هشيل الحاجة من غير ما تبهدلوها، قالولي لو اتكلمت تاني هنحطك في البوكس وبهدلولي كل حاجة منهم لله، انا بس كنت عايز أفكر الشرطة إن محدش بيحميكم غيرنا قلبتم علينا ليه!”.
كما علق مصيلحي موسي، صاحب كشك: “المفروض الحكومة قبل ما تعمل حملة توفر لنا مكان نأكل منه عيش مش تيجي تقفل لنا مكان أكل العيش الوحيد، فين وعودك يا سيسي بإن أيامك تكون أحسن من أيام مرسي، والله أياكم أسود أيام عشناها في حياتنا، حاجتنا بتتكسر قدام عينينا، وخايفين ننطق علشان منتقتلش أو نتسجن، ربنا على الظالم”.
أما عمر سامي وهو أحد سكان المكان فقال: “السوق دي قديمة هنا ومعرف باسم سوق المنطقة الحادية عشر بالسادات كان المفروض الحكومة تختار مكان وتجهزه وبعدين تنقلهم ليه واللي يرفض تكسر له حاجته وهيكون جنى على نفسه، لكن اللي حصل ان مفيش مكان بديل وكمان مفيش سابق إنذار والحملة كسرت السوق وخدت كل حاجة فيه، وده دليل على إن الحكومة مش بتوفر سبل الحياة دي بتقفل حتى أبواب الرزق المفتوحة”، مضيفا: “للأسف مصر اتبهدلت قوي على إيد السيسي”.
