“بلاها لحمة”.. حملة انتشرت بمحافظه قنا؛ اعتراضًا على غلاء أسعار اللحمة البلدي وجشع الجزارين.
لاقت الحملة رواجًا واستجابة كبيرة في الشارع، بعد أن لجأ المواطنون إلى اللحوم البيضاء.
يقول أحد المواطنين: “الجزارين بيغلوا ويرخصوا السعر بمزاجهم ومفيش حل غير إننا نسيبهم ويشوفوا مين هيشتري منهم ويكسبوا إزاي”، مضيفًا: “فين الرقابة ومجلس المدينة ومباحث التموين، وليه مش بيشتغلوا واللي يخالف يتعمله محضر ويتحبس”.
وأكد أحد الجزارين بمنطقه السوق أن الإقبال على شراء اللحم البلدي انخفض بنسبة كبيرة جدًا، وأنه كان قبل حملة المقاطعة يبيع عجلاً كل يومين، أما الآن فالعجل ممكن يقعد أسبوع، مضيفًا: ارتفاع الأسعار احنا مش السبب فيه لان الجزار بيشتري العجل بسعر غالي من المزارع أوالمربي..ودا بسبب ارتفاع اسعار العلف يبقي الزياده ملناش ذنب فيها.