أشاد الإعلامي محمود سعد، بدعوة الرئيس الأميركي، باراك أوباما، للطالب السوداني الأصل المسلم، حيث قال سعد، خلال برنامجه “آخر النهار” عبر فضائية “النهار”: “أحمد أصبح نجما في الولايات المتحدة بل والعالم، بسبب دعوة أوباما له، ده الفكر الأميركي، وماحدش يقول إنه بيغازل المسلمين علشان الانتخابات الرئاسية، هو ماشي خلاص، وهو ده اللي بيخلي أمريكا عظيمة، بتجيب أي حد، أيًا كان انتماؤه وديانته، ما دام يمتلك علمًا”.
وأضاف سعد: “الغريب إن ماحدش علق من عندنا خالص، لا خارجية ولا رئيس الوزراء ولا أي حد، حتى جامعة الدول العربية.. مش بيعملوا أي شيء غير الإدانات، يا ريت لو نسمع كلمة مختلفة”، متابعًا: “إحنا عندنا الإنسان مابيسواش 3 تعريفة، لكن أمريكا اتقلبت علشان ولد، والرئيس قاله تعالى البيت الأبيض، علشان هم بيهتموا بالإنسان”.