استلمت قوات الجيش لجان الانتخابات البرلمانية، اليوم، في محافظة بني سويف لتأمينها، واشتكى الأهالي من غلق الشوارع بالحواجز الحديدية، مما أدى إلى تكدس مروري.
يقول حمدي كمال: “معروف النتيجة هينجح اللي هما عاييزنه، لازمته إيه كل المصاريف دي وتضيقوا علينا بالشكل ده”.
ويعلق علي عبداللطيف: “الجيش والشرطة معرفوش يأمنوا ورق الثانوية العامة اللي فيه مستقبل أولادنا ولا عارف يأمن الحدود اللي هي مهمته الأصلية، هيعرف يأمن الانتخابات!”.
وتعبر هالة محمد عن وجهة نظر أخرى: “أنا شايفة ان مفيش مشكلة.. نستحمل اليومين دول، أنا اللي خايفة منه هو إن عدد كبير من الناس تقاطع، أما الإجراءات الأمنية مفيش فيها مشكلة بالنسبة لي”.