بالفيديو.. متحرش يصفع فتاة والشرطة ترفض تحرير محضر

نشرت فتاة، مقطع فيديو يظهر شخصًا يتحرش بها داخل مول تجاري، قبل أن يبادر بصفعها مرتين، ليتدخل أمن المول ويحتجز المتحرش، مشيرة إلى أن أمن الفندق ترك المتحرش بعد ذلك لخوفهم منه؛ لأنه بلطجي خرج من السجن منذ فترة قصيرة.

وأضافت أنها حاولت تحرير محضر ضده في قسم الشرطة، إلا أن الضباط رفضوا بحجة عدم معرفتها اسم المعتدي، رغم حصولها على فيديو من أمن المول يصور الواقعة بالتفصيل.

وقالت الفتاة، والتي تدعىSasso Tarik  -عبر منشور لها على الـ”فيس بوك”-: “أنا كنت في الحرية مول- الكوربة- شارع الأهرام، اللي هو من أزحم شوارع مصر، ومن ساعة ما دخلت المول وفي واحد ماشي ورايا، دخلت الحمام وهو لسه مستني بره، خرجت ونازلة على السلم، أول ما نزلت لقيته بيتكلم وقالي أنا مستنيكي بره عشان تروحي معايا زعقت وقلتله أنا هلم المول والأمن، قام نازل فيا ضرب بالأقلام!!!!!!”.

وأضافت “هنا فاق الأمن وقالوله بعد إذنك اتفضل معانا تحت!! وانتي كمان!! ابتدي يزعق ويزق فيهم ويقولهم أنا هاطلع ميتين أهلكم ويتوعد لكل واحد فيهم كأنهم يعرفوه ويعرفهم كويس، قاموا سابوه يمشي وقالولي ده بلطجي ولسه خارج من السجن واحنا شهادين معاكي!!!!!!”.

وتابعت: “رحت القسم اعمل محضر ومعايا الفيديو، ألاقي واحد من الضباط بيقولي هو اسمه إيه وساكن فين!!!!!!! قلتله طبعًا ماعرفش، قالي وأنا ها عرف من البلورة السحرية بتاعتي! قلت له معايا صورته والفيديو والأمن عارفينه بس خايفين يتكلموا وهو ساكن حوالين المول والباقي بتاعكو، قالي خلاص كده المحضر هيتحفظ، وقاللي شوفي حد بـ150 جنيه يجيبلك عنه كل حاجة! والضابط التاني قاللي أصل انتي جاية متأخر أصل نبطشيتي بتخلص الساعة 12، تعالي بكره بدري! وقاللي يعني انتي متأكدة إنك ما تعرفيهوش”.

(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = “//connect.facebook.net/ar_AR/sdk.js#xfbml=1&version=v2.3”; fjs.parentNode.insertBefore(js, fjs);}(document, ‘script’, ‘facebook-jssdk’));