طالب الإعلامي عمرو أديب الحكومة المصرية بمصارحة الشعب بحقيقة المفاوضات مع إثيوبيا بشأن سد النهضة، قائلًا: “بلاش تضحكوا على الناس.. إثيوبيا هتقطع الميه”.
وأضاف أديب في برنامج “القاهرة اليوم” المذاع على فضائية “اليوم”: “بدل ما نروح نعمل العاصمة الجديدة وهنضيع الميه في المليون ونص فدان.. هذا الوطن مهدد في الـ55 مليار متر مكعب في الميه وهذه الناس شغالة في السد حلاوة”.
كما طالب بضرورة البدء من الآن في وضع خطة لترشيد استهلاك المياه وتخزينها والبحث عن مصادر مياه آخرى، مضيفًا: “أرجوكم ماتضحكوش على الناس لأن المفاوضات مش هتجيب نتيجة، وإحنا مش هنحارب لأسباب كتيرة جدا”.
وهدد أديب قائلًا: “المسؤول اللي هيطلع يقول للناس ماتقلقوش، أنا هجيب اسمه وهحط يافطة وهطلع بيها ميدان التحرير، واضح جدا إن إثيوبيا مش سامعة الكلام وواضح جدًا إنها بتقولك أعلى ما في خيلك اركبه”.