بالصور..المستشفى العام بإيتاي البارود تغرق في مياه الصرف الصحي

 يعاني أهالي إيتاى البارود والمترددين يوميًا على المستشفى العام بمدينة إيتاي البارود التابعة لمحافظة البحيرة من مشكلة طفح الصرف الصحي أمام شباك قطع التذاكر وشباك صرف العلاج.

وتقول شيماء أبوبية أحد المترددين على المستشفى: “أنا واحده من الناس باجي المستشفى دي كل شهر عشان آخد علاج لطفلي الرضيع، ومش مكفيهم أني بعاني طول اليوم وأقف فى طابور عشان أصرف العلاج .. لأ دول زودولنا مشكلة الصرف اللي في المكان دي كمان ومش عايزين يحلوها، وبقالنا على الحال ده 3 شهور”.

وأضاف ” س.م ” أحد العاملين بالمستشفى: “طالبنا أكتر من مره إدارة المستشفى تحطلنا حل للمشكله دي، كان ردهم واحنا هنعملكوا أيه ؟؟”

وقال حمادة السيسي، أحد المواطنين : “أصلاً دي مبقتش مستشفى، كل حاجة فيها غلط، هي جات على الصرف الصحي ؟؟ طب ما فيه مشاكل أكبر من كده كمان ومجبناش سيرتها .. دي بقت خرابه والمسئولين عنها ددول هم السبب.