قال عبد الفتاح السيسي في تصريحات خلال إطلاق مؤتمر إطلاق منصة مصر الرقمية: «لازم نغير الواقع اللي إحنا فيه، بس بقولكم إحنا معندناش ثروات في مصر عشان محدش يتوهم دا، لكن عندنا شوية بترول وغاز ولا يمثلون ثروة، عندنا فقط رمل ورخام وحجر جيري كثروة»
وأضاف السيسي: «المرتبات عندنا في مصر بسيطة إلى حد ما، وعلشان كده المواطن بيتأثر بأي تغير في الأسعار، بس أنا مش بايدي حاجة، يا اما أكمل تطوير في البلد يا إما نوقف كل حاجه بنعملها ونشوف نيسر حياة الناس ازاي».
وقال السيسي: «بقول لكل مصري إننا محتاجين نطور ثقافة التعليم وليس مناهج التعليم في المجتمع المصري، ميبقاش كل هدفنا إن أولادنا يبقى معاهم شهادات وبعدين منلقيش فرص عمل ليهم».
وحول افتتاح العاصمة الجديدة قال السيسي: «شركة العاصمة الإدراية تريد تأجير الحي الحكومي للدولة بـ 4 مليارات جنيه سنويا، هي الشركة ملك الدولة بس هي اللي عملت وصرفت، ودلوقتي بتطلب الفلوس دي حق انتفاع»
